بۇگىن ءوڭىر باسشىسى داستان رىسپەكوۆتىڭ توراعالىعىمەن وبلىستىق اكتيۆ وتىرىسى ءوتتى.
جيىندا ەلىمىزدە جۇزەگە اسىرىلىپ جاتقان كونستيتۋتسيالىق رەفورمانىڭ نەگىزگى باعىتتارى تالقىلاندى. اتاپ ايتقاندا، مەملەكەت باسشىسىنىڭ باستاماسىمەن ازىرلەنگەن جاڭا كونستيتۋتسيا جوباسى، ونىڭ اشىق ءارى جاريا تۇردە تالقىلانعانى ايتىلدى.
كونستيتۋتسيالىق رەفورما ادىلەتتى قازاقستان قاعيداتتارىنا نەگىزدەلىپ، زاڭ مەن ءتارتىپ، ادال ازامات جانە تازا قوعام قۇندىلىقتارىن نىعايتۋعا باعىتتالعان. جاڭا جوبادا ءبىر پالاتالى پارلامەنت – قۇرىلتاي مودەلى ۇسىنىلىپ، قوعامدىق ديالوگتى كۇشەيتەتىن جاڭا ينستيتۋتتاردى ەنگىزۋ كوزدەلگەن. سونداي-اق كونستيتۋتسياعا وزگەرىستەر تەك رەفەرەندۋم ارقىلى ەنگىزىلەتىنى بەلگىلەندى.
وتىرىستا كونستيتۋتسيالىق رەفورمانى حالىق اراسىندا كەڭىنەن ءتۇسىندىرۋدىڭ ماڭىزدىلىعى اتاپ ءوتىلدى. وسىعان بايلانىستى وبلىس اكىمىنىڭ ورىنباسارلارىنا، قالا جانە اۋدان اكىمدەرىنە ءتۇسىندىرۋ جۇمىستارىن كۇشەيتۋ، اقپاراتتىق كەڭىستىكتە جالعان اقپاراتتىڭ الدىن الۋ جانە بۇقارالىق اقپارات قۇرالدارىمەن جۇيەلى جۇمىس جۇرگىزۋ تاپسىرىلدى.
