كونستيتۋتسيا كۇنى قارساڭىندا ۇلىتاۋ وبلىسى پوليتسيا دەپارتامەنتىنىڭ جەكە قۇرامى 30 جاس قىزمەتكەرمەن تولىقتى. سالتاناتتى شارا بارىسىندا جاس ءتارتىپ ساقشىلارى قازاقستان رەسپۋبليكاسىنا ادال قىزمەت ەتۋگە انت بەردى.
ءىس-شاراعا دەپارتامەنت باستىعى، پوليتسيا گەنەرال-مايورى قايىركەن اليەۆ، ارداگەرلەر كەڭەسىنىڭ وكىلدەرى جانە جەكە قۇرام قاتىستى. ءوز سوزىندە دەپارتامەنت باسشىسى جاس مامانداردى ماڭىزدى ساتپەن قۇتتىقتاپ، ەلىمىزدىڭ تىنىشتىعى مەن ازاماتتاردىڭ قاۋىپسىزدىگىن قامتاماسىز ەتۋ جولىندا ادالدىق پەن جاۋاپكەرشىلىك تانىتۋعا شاقىردى.
«پوليتسيا قىزمەتى – ەل مەن حالىق الدىنداعى ۇلكەن جاۋاپكەرشىلىك. ءاربىرىڭىز انتىڭىزعا ادال بولىپ، وتانعا قىزمەت ەتۋدىڭ بيىك ۇلگىسىن كورسەتەدى دەپ سەنەمىن»، – دەدى گەنەرال-مايور قايىركەن اليەۆ.
سالتاناتتى جيىن بارىسىندا قىزمەتتە جانە سپورتتا ەرەكشە كوزگە تۇسكەن بىرقاتار پوليتسەيلەر ماراپاتتالدى.
«دينامو» دشسق ۇيىمداستىرۋىمەن قاراعاندى قالاسىندا وتكەن سامبو كۇرەسىنەن ىشكى ىستەر مينيسترلىگى چەمپيوناتىندا پوليتسيا مايورى تايبەك وماروۆ 1-ورىندى يەلەنسە، اعا لەيتەنانت دانيار ءالىپوۆ پەن لەيتەنانت ەلامان ىزتولەۋوۆ جۇلدەلى ورىندارعا يە بولدى.
سونىمەن قاتار، قۇقىق قورعاۋ ورگاندارى، ارنايى جانە كۇشتىك قۇرىلىمدار اراسىندا اتىراۋ قالاسىندا وتكەن قويان-قولتىق ۇرىس چەمپيوناتىندا پوليتسيا لەيتەنانتى نۇراسىل داحباي 2-ورىن يەلەنىپ، ال جىلدام قيمىلدايتىن ارنايى جاساق ينسپەكتورى ۇلبولسىن انۋاربەك ەرەكشە جەتىستىگى ءۇشىن ماراپاتتالدى.
ءىس-شارا بارىسىندا پوليتسيا دەپارتامەنتى ارداگەرلەر كەڭەسىنىڭ توراعاسى امانبەك مۇقاتەۆ جاس مامانداردى انت قابىلداۋ راسىمىمەن قۇتتىقتاپ، قىزمەتتىك جولدارىندا تابىس پەن ابىروي تىلەدى.
وسىنداي ءىس-شارالار جاس قىزمەتكەرلەردىڭ بويىندا پاتريوتتىق سەزىمدى كۇشەيتىپ، پوليتسيا قاتارىنداعى داستۇرلەر مەن جاۋاپكەرشىلىك رۋحىن نىعايتۋعا باعىتتالعان.
