پاۆلوداردا سالىنىپ جاتقان كوپىردە ءورت شىقتى. وقيعا ورنىنا وبلىستىق توتەنشە جاعدايلار دەپارتامەنتىنىڭ ءورت ءسوندىرۋ بولىمشەلەرى دەرەۋ جىبەرىلدى. قۇتقارۋشىلار جەتكەن كەزدە جىلۋ وقشاۋلاعىش ماتەريالدار مەن اعاش قالىپ ەلەمەنتتەرى جانىپ جاتقانى انىقتالدى، دەپ حابارلايدى "ادىرنا".
توتەنشە جاعدايلار مينيسترلىگىنىڭ ءباسپاسوز قىزمەتى مالىمەتىنشە، جالىن ءورشىپ، كوپىردىڭ بۇكىل قۇرىلىمىنا تارالۋىنا جول بەرىلمەگەن.
"كۇردەلى جاعدايعا قاراماستان جانە ءورت وشاعى جەردەن شامامەن 30 مەتر بيىكتىكتە ورنالاسسا دا، ءورت سوندىرۋشىلەر ۇيلەسىمدى ءارى جەدەل ارەكەت ەتىپ، ءورتتى قىسقا ۋاقىتتا باقىلاۋعا الىپ، تولىق ءسوندىردى", – دەلىنگەن حابارلامادا.
مينيسترلىك دەرەگىنشە، ءورت كەزىندە زارداپ شەككەندەر جوق.
وقيعانىڭ سەبەبى انىقتالىپ جاتىر.
ۇقساس جاڭالىقتار
