اتىراۋ وبلىسىندا تۇرعىن ۇيلەردىڭ بىرىندە گاز جارىلىپ، ءۇش ايلىق ءسابي قايتىس بولدى، دەپ حابارلايدى "ادىرنا" ۇلتتىق پورتالى «اق جايىق» سايتىنا سىلتەمە جاساپ.
«5 قاڭتاردا تۇرعىن ۇيدەگى گاز جارىلىسىنان جاراقات العان ءۇش ايلىق بالا جانساقتاۋ بولىمىندە قايتىس بولدى»، - دەپ حابارلادى بالالار اۋرۋحاناسىنىڭ ءباسپاسوز قىزمەتى.
بۇعان دەيىن اۋرۋحانادا وتباسىنىڭ ەكى مۇشەسى قايتىس بولعان: 1965 جىلى تۋعان ەر ادام مەن 1970 جىلى تۋعان ايەل ادام.
ەستەرىڭىزگە سالا كەتەيىك، قايعىلى وقيعا 2 قاڭتاردا بولعان. گازدىڭ جارىلۋىنان كەيىن ءۇيدىڭ قابىرعاسى وپىرىلىپ، ورتكە ۇلاسقان. وقيعا كەزىندە ءۇي ىشىندە بەس ادامنان تۇراتىن وتباسى بولعان. ولاردىڭ بارلىعى دەنە جاراقاتتارىمەن اۋرۋحاناعا جاتقىزىلدى.
"ادىرنا" ۇلتتىق پورتالى
