بۇگىن، 26 شىلدەدە جەتىسۋ وبلىسى الاكول اۋدانى كوكمويىن شاتقالىندا تاۋلى جەرلەردە قۇرعاق ءشوپ ورتەندى، دەپ حابارلايدى «ادىرنا» ءتىلشىسى.
توتەنشە جاعدايلار مينيسترلىگىنىڭ مالىمەتىنشە، وقيعا ورنىنا تجد مەن ورمان شارۋاشىلىعى قىزمەتكەرلەرىنەن 90 ادام جانە 10 تەحنيكا بىرلىگى جۇمىلدىرىلعان.
اۋەدەن ءسوندىرۋ ءۇشىن قر تجم «قازاۆياقۇتقارۋ» اق مي-8 سۋ توگۋ قۇرىلعىسىمەن جابدىقتالعان تىكۇشاق پايدالانىلعان.
«تاۋلى اۋماق ءورت ءسوندىرۋ جۇمىستارىن كۇردەلەندىرىپ وتىر. قازىرگى تاڭدا قۇتقارۋشىلار ءورتتى وقشاۋلاپ، تولىق ءسوندىرۋ باعىتىندا جۇمىستارىن جالعاستىرۋدا»،—دەلىنگەن حابارلامادا.
ايتا كەتەيىك، بۇعان دەيىن پەتروپاۆلدا جاتاقحانا ورتەنىپ، 42 ادام ەۆاكۋاتسيالانعانىن جازعان ەدىك.
ۇقساس جاڭالىقتار
