استانادا الاش تاس جولىنىڭ بويىنداعى ءۇش قاباتتى عيماراتتاردىڭ بىرىنەن ءورت شىقتى. بۇل تۋرالى تجم ءباسپاسوز قىزمەتى مالىمدەدى، دەپ حابارلايدى “ادىرنا
وقيعا ورنىندا ءورت ءسوندىرۋ شتابى قۇرىلدى.
«العاشقى بولىمشەلەر كەلگەن كەزدە ءورت ءورشىپ، قاباتارالىق جابىن ءىشىنارا قۇلاعان. ءورت ءسوندىرۋ جۇمىستارىن جوعارى ءورت جۇكتەمەسى جانە قويۋ ءتۇتىن قيىنداتتى»، - دەپ جازىلعان حابارلامادا.
ءورتتى ءسوندىرۋ ءۇشىن سۋ وقپاندارى بەرىلدى، بيىك تەحنيكالار جۇمىلدىرىلدى.
ء«ورت تۋرالى حابار كەش بەرىلگەندىكتەن، ءورت بۇكىل عيمارات اۋماعىنا تاراپ، ۇلكەن كولەمدە ءورشىدى. وعان كوپ كولەمدە جانعىش زاتتاردىڭ بولۋى سەبەپ بولدى»، - دەيدى قۇتقارۋشىلار.
استانا قالاسى تجد، جاو 100 قىزمەتكەرى جانە شامامەن 60 بىرلىك تەحنيكاسى جۇمىلدىرىلدى. سۋ ۇزدىكسىز بەرىلىپ جاتىر. زارداپ شەككەندەر تۋرالى اقپارات 112-گە تۇسكەن جوق.
كەيىنىرەك تجم بازارداعى ءورت وقشاۋلانعانىن حابارلادى. ءورتتى ءسوندىرۋ جۇمىستارى جالعاسۋدا.
