پرەمەر-مينيستر ءاليحان سمايىلوۆ قاراعاندى وبلىسىنداعى "قازاقستان" شاحتاسىندا قازا تاپقان جانە جوعالعان كەنشىلەردىڭ تۋىستارىمەن كەزدەستى، - دەپ حابارلايدى "ادىرنا" پورتالى.
قازىر شاحتادا ەكى كەنشىنى ىزدەۋ جالعاسىپ جاتىر. كەزدەسۋ بارىسىندا جوعالعان ادامداردىڭ جاقىندارى كەنشىلەردىڭ قاشان تابىلىپ، جەر بەتىنە شىعارىلاتىنى تۋرالى سۇرادى. "نەلىكتەن ولار ءالى تابىلماي جاتىر. ءۇش كۇن ءوتتى، مەنىڭ بالام قايدا؟",
- دەپ سۇرادى تۋىستارى.
سمايىلوۆ بارلىق قاجەتتى شارا قابىلدانىپ جاتقانىن ايتتى.
"قازىر ول جەردە ادامدار ءۇش اۋىسىممەن جۇمىس ىستەپ جاتىر. ىزدەۋ جۇمىستارى توقتاۋسىز ءجۇرىپ جاتىر. سونىمەن قاتار، ءورتتى ءسوندىرۋ دە ءجۇرىپ جاتىر", - دەدى ول.
پرەمەر-مينيستر بارلىق كىنالى جازالاناتىنىن اتاپ ءوتتى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز