قوستاناي وبلىسىندا سوڭعى ءۇش جىلدا العاش رەت ۇشەم دۇنيەگە كەلدى، دەپ حابارلايدى "ادىرنا" ۇلتتىق پورتالى.
ءۇش ۇلى بار ايەل تاعى ءۇش قىز بوسانىپ، ءبىر كۇندە التى بالانىڭ اناسى اتاندى.
31 جاستاعى سىمبات شاراپيەۆا قوستاناي اۋدانىندا تۇرادى. دەنساۋلىق ساقتاۋ مينيسترلىگىنىڭ جەلىدەگى پاراقشاسىندا ونىڭ باقىتتى ساتىنەن ۆيدەو جاريالاندى.
“جۇكتىلىك تابيعي جولمەن بولدى. بۇعان دەيىن وتباسىدا ءۇش ۇل ءوسىپ كەلە جاتقان بولسا، ءبىر كۇندە بىردەن ءۇش قىز دۇنيەگە كەلدى. جاڭا تۋعان سابيلەردىڭ ەكەۋىنىڭ سالماعى – 2600 گرامم، بىرەۋىنىكى – 2300 گرامم. بارلىعىنىڭ بويى — 49 سانتيمەتر”، – دەپ جازدى ۆەدومستۆو.
وبلىستىق اۋرۋحانا دارىگەرلەرىنىڭ ايتۋىنشا، انانىڭ دا، بالالاردىڭ دا جاعدايى قاناعاتتانارلىق.
ۇقساس جاڭالىقتار
