“Ford” باسشىلىعى قىتاي اۆتوزاۋىتتارىنا ساپارىنان كەيىن ەلدىڭ ەلەكتروموبيلدەردى اقش ءاۆتووندىرىسى ءۇشىن «ەكزيستەنتسيالدى قاۋىپ» دەپ سيپاتتادى، دەپ حابارلايدى “ادىرنا” ۇلتتىق پورتالى.
بۇل تۋرالى The Wall Street Journal حابارلادى.
Ford-تىڭ قارجى ديرەكتورى دجون لوۋلەر دە كومپانيا باسشىسى ءفارليدىڭ پىكىرىن قولداپ، قىتايداعى ەلەكتروموبيلدەردىڭ دامۋ دەڭگەيىنە تاڭدانعانىن جاسىرمادى.
«بۇل ءوندىرىستىڭ تەڭدەسى جوق. دجيم، ولار بىزدەن وزىپ كەتتى»، — دەلىنگەن اقپاراتتا.
Ford باسشىلارى قىتايلىق وندىرۋشىلەردىڭ تەحنولوگيالىق جەتىستىكتەرىن جانە ولاردىڭ الەمدىك اۆتوونەركاسىپكە تيگىزىپ جاتقان اسەرىن اتاپ ءوتتى. ولار قىتاي اۆتوكولىكتەرىنىڭ قازىرگى ۋاقىتتا ەۋروپالىق جانە امەريكالىق وندىرۋشىلەردەن وزىپ كەتكەنىن مويىندادى.
Ford كومپانياسى 2027 جىلعا دەيىن ارزان ەلەكتروموبيلدى نارىققا شىعارۋدى جوسپارلاپ وتىر.
2023 جىلدىڭ 27 قىركۇيەگىنەن باستاپ اقش قىتايدان كەلەتىن ەلەكتروموبيلدەرگە 100% كەدەندىك باج سالىعىن ەنگىزدى. سونداي-اق، Ford كومپانياسى ىشتەن جانۋ قوزعالتقىشتارىنان تولىقتاي باس تارتۋ جوسپارلارىن ۋاقىتشا توقتاتىپ، ەۋروپا مەن اقش-تا ەلەكتروموبيلدەرگە تولىق كوشۋدى كەيىنگە قالدىردى.
2023 جىلدىڭ تامىز ايىندا باسپاسوزدە Ford كومپانياسىنىڭ ءۇش قاتارلى ورىندىقتارى بار ەلەكترلىك كروسسوۆەر مەن جاڭا ەلەكترلىك پيكاپتى ازىرلەۋ جوباسىن توقتاتقاندىعى تۋرالى حابارلاندى.
