قازاقستاندا قىتايدان اكەلىنگەن كوشەتتەردى كىرگىزۋگە رۇقسات بەرىلمەدى، دەپ حابارلايدى "ادىرنا" ۇلتتىق پورتالى قر اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ ءباسپاسوز قىزمەتىنە سىلتەپ.
«فيتوسانيتارلىق تالاپتارعا ساي كەلمەيتىن ساندىك اعاش كوشەتتەرى قىتاي حالىق رەسپۋبليكاسىنا قايتارىلدى. 2024 جىلدىڭ 9 قىركۇيەگىندە «قورعاس» فكپ-دا رۇقسات ەتىلگەن نورمادان 0,1%-دان اساتىن كوشەت پارتياسى انىقتالدى. اتالعان زاڭ بۇزۋشىلىققا بايلانىستى ءونىم يەسىنە «وسىمدىكتەر كارانتينى تۋرالى» زاڭ مەن اكىمشىلىك قۇقىق بۇزۋشىلىق تۋرالى كودەكسكە سايكەس اكىمشىلىك حاتتاما تولتىرىلىپ، بۇكىل پارتيا قحر-عا قايتارىلدى»، - دەلىنگەن سارسەنبى كۇنى تاراتقان حابارلامادا.
اتاپ وتكەندەي، قازاقستان رەسپۋبليكاسىنىڭ زاڭناماسىنا سايكەس وتىرعىزۋ ماتەريالدارى توپىراقتان تازا بولۋى كەرەك، ويتكەنى ول كارانتيندىك وبەكتىلەردىڭ تاسىمالداۋشىسى بولا الادى.
