قىتاي بيلىگى "كاسىپكە ۇيرەتۋ ورتالىعى" دەپ اتالعان ورىنداردا كۇشپەن قامالىپ وتىرعان جۇزدەگەن مۇسىلماندى بەلگىلى برەندتەردىڭ ونىمدەرىن فابريكالاردا ءوندىرۋ ءۇشىن ماجبۇرلەپ جۇمىس ىستەتىپ كەلەدى. بۇل تۋرالى اۆسترالياداعى ستراتەگيالىق ساياسات ينستيتۋتىنىڭ (ASPI) بايانداماسىندا جازىلعان، دەپ حابارلايدى centralasian.org.
اۆتورلور قىتاي ۇكىمەتىنىڭ قۇجاتتارىنا جانە باسىلىمدارداعى اقپاراتتارعا سۇيەنە وتىرىپ، شىنجاڭ-ۇيعىر اۆتونوم اۋدانىنىڭ بيلىگى لاگەردەگى ادامداردى تسەحتاردا ىستەۋگە ماجبۇرلەپ جاتقانىن جازعان. ولاردىڭ سوزىنشە، جالپى 80 مىڭنان استام ۇيعىر كەمىندە 9 فابريكادا ىستەيدى.
اتالعان فابريكالار Apple, BMW, Nike, Samsung, Sony, Volkswagen جانە وزگە دە تانىمال برەندەردىڭ قۇرال-جابدىقتارىن شىعارادى. Reuters اگەنتتىگى قازىر بىتقاتار كومپانيالاردىڭ بۇل اقپاراتتى تەكسەرىپ جاتقانىن جازدى.
دۇيسەنبى كۇنى قىتايدىڭ سىرتقى ىستەر مينيسترلىگى بايانداماداعى مالىمەتتەردى تەرىسكە شىعارىپ، اۆتورلاردىڭ ماقساتى — بەيجىڭ تارابىنان جاسالىنىپ جاتقان "انتيتەرروريستىك شارالاردى" جاماناتتى ەتۋ دەپ مالىمدەدى.
قىتاي بيلىگى شىڭجاڭ ايماعىنداعى يسلام ءدىنىن ۇستاناتىن از ۇلت وكىلدەرى ۇستالىپ وتىرعان جايلاردى كاسىپ ۇيرەتۋ ورتالىعى دەپ اتاپ كەلەدى.
