جامبىل وبلىسىندا مەرزىمدى اسكەري قىزمەتكەر قازا تاپتى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىلەردە تاراعان الدىن الا مالىمەتكە سايكەس، سارباز سنايپەرلىك مىلتىقپەن ءوزىن-ءوزى اتىپ ولتىرگەن بولۋى مۇمكىن. اتالعان اقپاراتتى باس پروكۋراتۋرا راستادى.
«27 قاڭتاردا جامبىل وبلىسىندا قارۋدى ۇستاۋ كەزىندە اۋىر جاراقات العان مەرزىمدى اسكەري قىزمەتكەردىڭ قازا بولۋ فاكتىسى بويىنشا ىشكى ىستەر مينيسترلىگىنىڭ اسكەري-تەرگەۋ ورگاندارى سوتقا دەيىنگى تەرگەپ-تەكسەرۋدى باستادى. جەدەل-تەرگەۋ توبى قۇرىلدى، تەرگەۋ بارىسى باس پروكۋروردىڭ جەكە باقىلاۋىندا»، – دەلىنگەن رەسمي حابارلامادا.
وقيعانىڭ بارلىق ءمان-جايىن جان-جاقتى ءارى وبەكتيۆتى انىقتاۋ ماقساتىندا قورعانىس ءمينيسترىنىڭ ورىنباسارى، باس اسكەري پروكۋرور جانە ءىىم اسكەري-تەرگەۋ دەپارتامەنتىنىڭ باسشىسى وقيعا ورنىنا اتتانعان.
