Jambyl oblysynda merzımdı äskeri qyzmetker qaza tapty, dep habarlaidy "Adyrna" ūlttyq portaly.
Äleumettık jelılerde taraǧan aldyn ala mälımetke säikes, sarbaz snaiperlık myltyqpen özın-özı atyp öltırgen boluy mümkın. Atalǧan aqparatty Bas prokuratura rastady.
«27 qaŋtarda Jambyl oblysynda qarudy ūstau kezınde auyr jaraqat alǧan merzımdı äskeri qyzmetkerdıŋ qaza bolu faktısı boiynşa Işkı ıster ministrlıgınıŋ äskeri-tergeu organdary sotqa deiıngı tergep-tekserudı bastady. Jedel-tergeu toby qūryldy, tergeu barysy Bas prokurordyŋ jeke baqylauynda», – delıngen resmi habarlamada.
Oqiǧanyŋ barlyq män-jaiyn jan-jaqty ärı obektivtı anyqtau maqsatynda Qorǧanys ministrınıŋ orynbasary, bas äskeri prokuror jäne IIM äskeri-tergeu departamentınıŋ basşysy oqiǧa ornyna attanǧan.
