فوتو: جي
قازاقستاندا قازا بولعان جانە زارداپ شەككەن ساربازداردىڭ وتباسىنا كومەك كورسەتۋ ءۇشىن قاراجات جيناۋ رەسمي تۇردە اياقتالدى، دەپ حابارلايدى "ادىرنا".
بۇل تۋرالى قازاقستان حالىق كەڭەسىنىڭ مۇشەسى، ماڭعىستاۋ وبلىسى قوعامدىق كەڭەسىنىڭ توراعاسى بەكمۇرات ءجۇسىپوۆ ايتتى.
ول مەملەكەت باسشىسى قاسىم-جومارت توقاەۆتىڭ تاپسىرماسىمەن قۇرىلعان ارنايى قوردىڭ جۇمىسىنا باقىلاۋ جاسايتىن كوميسسيانى باسقارادى.
بەكمۇرات ءجۇسىپوۆتىڭ ايتۋىنشا، قازىرگى ۋاقىتتا قوردا قاجەتتى كولەمدە قاراجات جيناقتالعان. قاراجات جيناۋعا «قازاقستان حالىق كەڭەسىنىڭ» مۇشەلەرى، قۇرىلتاي دەپۋتاتتارى، ساياسي پارتيالاردىڭ وكىلدەرى، كاسىپكەرلەر، مەتسەناتتار جانە ەلىمىزدىڭ تۇكپىر-تۇكپىرىندەگى ازاماتتار اتسالىسقان.
كوميسسيا توراعاسى جينالعان قاراجاتتىڭ قازا بولعان اسكەري قىزمەتشىلەردىڭ وتباسىلارى مەن زارداپ شەككەندەر اراسىندا ءادىل بولىنەتىنىن ايتتى. ونىڭ سوزىنشە، قاراجاتتى ءبولۋ جانە تولەۋ پروتسەسىنىڭ اشىقتىعىن كوميسسيا قۇرامىنداعى مەملەكەتتىك جانە قۇقىق قورعاۋ ورگاندارىنىڭ وكىلدەرى باقىلايدى.
الداعى ۋاقىتتا قور جۇمىسىنىڭ بارىسى مەن قارجىلاي كومەكتى تولەۋ كەزەڭدەرى تۋرالى قوعامعا تۇراقتى تۇردە اقپارات بەرىلىپ وتىرادى.
«قارجىلاي كومەك جاقىنىنان ايىرىلعانداردىڭ قايعىسىن جەڭىلدەتە المايتىنىن تۇسىنەمىز. دەگەنمەن وسىنداي قيىن ساتتە وتباسىلارعا جان-جاقتى قولداۋ كورسەتۋ – ءبىزدىڭ مىندەتىمىز. سىزدەر بۇل قايعىمەن جالعىز قالمايسىزدار»، – دەدى بەكمۇرات ءجۇسىپوۆ.
