الماتىدا مەرزىمدى اسكەري قىزمەت اتقارىپ جۇرگەن سارباز كوپقاباتتى ۇيدەن سەكىرىپ كەتكەن، دەپ حابارلايدى "ادىرنا" ۇلتتىق پورتالى.
ول امان قالىپ، اۋرۋحاناعا جەتكىزىلدى،
قازاقستان رەسپۋبليكاسى ۇلتتىق ۇلانىنىڭ «وڭتۇستىك» وڭىرلىك قولباسشىلىعىنىڭ ءباسپاسوز قىزمەتى مالىمەتىنشە، №5571 اسكەري ءبولىمىنىڭ ساربازى قاتتى كۇيزەلىسكە تۇسكەن.
«2025 جىلعى 4 قازاندا زارداپ شەككەن سارباز الماتى قالاسىنداعى جەدەل جاردەم اۋرۋحاناسىنا جەتكىزىلدى. قازىر وعان قاجەتتى مەديتسينالىق كومەك كورسەتىلىپ جاتىر. اسكەري قىزمەت كەزىندە دارىگەرلەر ساربازعا “بەيىمدەلۋ بۇزىلىسى” دياگنوزىن قويعان. ول اسكەرگە شاقىرىلماس بۇرىن جاقىن تۋىسىن جوعالتقان جانە اسكەري-دارىگەرلىك كوميسسيانىڭ (ادك) شەشىمىن كۇتىپ جۇرگەن»، – دەلىنگەن ۆەدومستۆو حابارلاماسىندا.
ۇلتتىق ۇلان وكىلدەرى بەينەباقىلاۋ كامەرالارىنداعى جازبالاردان بوتەن ادامداردىڭ ارالاسۋى بولماعانىن راستادى.
قازىرگى ۋاقىتتا وقيعانىڭ ءمان-جايىن انىقتاۋ ءۇشىن قىزمەتتىك تەكسەرىس تاعايىندالدى.
