ازەربايجان مەملەكەتتىك شەكارا قىزمەتى يراننان ەلگە درون ارقىلى ەسىرتكى تاسىمالداۋعا باعىتتالعان ارەكەتتى توقتاتتى، دەپ حابارلايدى "ادىرنا" ۇلتتىق پورتالى.
ەلدىڭ شەكارا قىزمەتىنىڭ حابارلاۋىنشا، وقيعا اسكەردىڭ كوماندالىق قۇرامىنا قاراستى «گوراديز» شەكارا باقىلاۋ ايماعىندا بولدى.
مەملەكەتتىك شەكارا قىزمەتى مەن ىشكى ىستەر مينيسترلىگىنىڭ قىزمەتكەرلەرى بىرلەسىپ جۇرگىزگەن كەشەندى جەدەل-ىزدەستىرۋ شارالارى ناتيجەسىندە، ازەربايجاننىڭ اۋە كەڭىستىگىنە زاڭسىز ەنگەن درون ۋاقتىلى انىقتالىپ، بەيتاراپتاندىرىلدى.
وقيعا ورنىندا تەكسەرۋ جۇرگىزۋ بارىسىندا جالپى سالماعى 6 كگ 600 گ ماريحۋانا تاركىلەندى.
قازىرگى تاڭدا وسى فاكتى بويىنشا جەدەل-تەرگەۋ ءىس-شارالارى جالعاسىپ جاتىر.
ۇقساس جاڭالىقتار
