يراننىڭ جاڭا جوعارعى كوشباسشىسى مودجتابا حامەنەي دەنساۋلىعىنا جانە قاۋىپسىزدىگىنە بايلانىستى رەسەيدىڭ اسكەري ۇشاعىمەن جاسىرىن تۇردە ماسكەۋ قالاسىنا جەتكىزىلگەن. Al‑Jarida باسىلىمىنىڭ مالىمەتىنشە، ەل باسشىلىعىنا جاقىن دەرەككوز رەسەي استاناسىندا وعان ءساتتى وپەراتسيا جاسالعانىن، قازىرگى ۋاقىتتا ول پرەزيدەنتتىك رەزيدەنتسيالاردىڭ ءبىرىنىڭ جانىنداعى جەكە كلينيكادا ەم قابىلداپ جاتقانىن ايتقان، دەپ حابارلايدى "ادىرنا".
دەرەككوزدىڭ سوزىنشە، حامەنەي 28 اقپاندا يران اۋماعىنا جاسالعان العاشقى سوققىلار كەزىندە جارالانعان. كەيىنگى شابۋىلداردىڭ جالعاسۋى ونىڭ ەل ىشىندە ەم الۋىنا كەدەرگى كەلتىرگەندىكتەن، ونى ماسكەۋگە جەتكىزۋ تۋرالى شەشىم قابىلدانعان.
باسىلىمنىڭ جازۋىنشا، بۇعان دەيىن ۆلاديمير پۋتين تەلەفون ارقىلى سويلەسۋ كەزىندە يراندىق ارىپتەسى ماسۋد پەزەشكيانعا حامەنەيدى رەسەيدە ەمدەۋدى ۇيىمداستىرۋدى ۇسىنعان.
يراننىڭ رەسمي تۇلعالارى، سونىڭ ىشىندە كوشباسشىنىڭ ءوزى دە، بۇل ۇسىنىستى قاراپ، ماقۇلداعانى ايتىلدى.
