قازاقستاننىڭ ۇلتتىق قورى 2025 جىلى 15 پايىز تابىس الىپ، رەكورد جاڭارتقان. سونىڭ ەسەبىنەن «ۇلتتىق قور – بالالارعا» جوباسى اياسىندا 18 جاسقا دەيىنگى ءار بالانىڭ ەسەپشوتىنا 130 دوللاردان تۇسەدى. بۇل تۋرالى ۇلتتىق بانك توراعاسى تيمۋر سۇلەيمەنوۆ ايتتى، دەپ حابارلايدى "ادىرنا".
تيمۋر سۇلەيمەنوۆتىڭ ايتۋىنشا، قازىر قوردا 87 ملرد دوللار قارجى جيناقتالعان. وسى اكتيۆتىڭ جىلدىق 15 پايىز تابىس الۋى – ۇلتتىق قور تاريحىندا بۇرىن-سوڭدى بولماعان كورسەتكىش.
2024 جىلعى 1 قاڭتاردان «ۇلتتىق قور – بالالارعا» جوباسى باستالدى. سوعان سايكەس ۇلتتىق قوردىڭ ينۆەستيتسيالىق تابىسىنىڭ 50%-ى 18 جاسقا دەيىنگى بالالاردىڭ ەسەپشوتىنا اۋدارىلادى.
2024 جىلى ۇلتتىق قوردىڭ 2023 جىلعى ينۆەستيتسيالىق تابىسىنان ءار بالاعا 100 دوللاردان اۋدارىلعان. ال بىلتىر 2024 جىلعى تابىس ەسەبىنەن ۇلتتىق قوردان ءار بالاعا 129 ءدوللاردانتۇستى.
وسى باعدارلاما اياسىنداعى كەزەكتى تولەم بالالاردىڭ ەسەپشوتىنا 2026 جىلعى 1 اقپانىنان كەشىكتىرىلمەي اۋدارىلادى.
