Qazaqstannyŋ Ūlttyq qory 2025 jyly 15 paiyz tabys alyp, rekord jaŋartqan. Sonyŋ esebınen «Ūlttyq qor – balalarǧa» jobasy aiasynda 18 jasqa deiıngı är balanyŋ esepşotyna 130 dollardan tüsedı. Būl turaly Ūlttyq bank töraǧasy Timur Süleimenov aitty, dep habarlaidy "Adyrna".
Timur Süleimenovtıŋ aituynşa, qazır qorda 87 mlrd dollar qarjy jinaqtalǧan. Osy aktivtıŋ jyldyq 15 paiyz tabys aluy – Ūlttyq qor tarihynda būryn-soŋdy bolmaǧan körsetkış.
2024 jylǧy 1 qaŋtardan «Ūlttyq qor – balalarǧa» jobasy bastaldy. Soǧan säikes Ūlttyq qordyŋ investisiialyq tabysynyŋ 50%-y 18 jasqa deiıngı balalardyŋ esepşotyna audarylady.
2024 jyly Ūlttyq qordyŋ 2023 jylǧy investisiialyq tabysynan är balaǧa 100 dollardan audarylǧan. Al byltyr 2024 jylǧy tabys esebınen Ūlttyq qordan är balaǧa 129 dollardantüstı.
Osy baǧdarlama aiasyndaǧy kezektı tölem balalardyŋ esepşotyna 2026 jylǧy 1 aqpanynan keşıktırılmei audarylady.
