«تەڭىزشەۆرويل» (تشو) وندىرىستىك نىساندارداعى ەلەكتر ەنەرگياسىن تاراتۋ جۇيەلەرىنىڭ كەيبىرىندە تۋىنداعان اقاۋلارعا بايلانىستى ەڭ ىرى تەڭىز جانە كورولەۆسكوە كەن ورىندارىندا مۇناي ءوندىرۋدى ۋاقىتشا توقتاتتى، دەپ حابارلايدى "ادىرنا" ۇلتتىق پورتالى قازتاگ اگەنتتىگىنە سىلتەپ.
«تەڭىزشەۆرويل» (تشو) ساقتىق شاراسى رەتىندە تەڭىز جانە كورولەۆسكوە كەن ورىندارىنداعى ءوندىرىستى ۋاقىتشا توقتاتقانىن راستايدى. بۇل شەشىم وندىرىستىك نىساندارداعى ەلەكتر ەنەرگياسىن تاراتۋ جۇيەلەرىنىڭ جەكەلەگەن بولىكتەرىنە اسەر ەتكەن جاعدايعا بايلانىستى قابىلداندى»، – دەپ مالىمدەدى «تەڭىزشەۆرويل» جشس ءباسپاسوز قىزمەتى.
كومپانيانىڭ مالىمەتىنشە، زارداپ شەككەندەر جوق. قازىرگى ۋاقىتتا تشو-نىڭ تەحنيكالىق قىزمەتتەرى وقيعانىڭ العاشقى سەبەبىن انىقتاۋ جۇمىستارىن جۇرگىزىپ جاتىر.
«تشو اتالعان جاعدايدىڭ ىقتيمال سالدارىن ازايتۋ ماقساتىندا مەملەكەتتىك ورگاندارمەن تىعىز بايلانىستا. تەڭىز كەن ورنى مەن بارلىق وندىرىستىك نىساندار قاۋىپسىز كۇيدە جانە سەنىمدى قورعالعان»، – دەپ قورىتىندىلادى كومپانيا وكىلدەرى.
ەسكە سالا كەتەيىك، 18 قاڭتار كۇنى تەڭىزدەگى الىپ مۇناي-گاز كەن ورنىندا ءورت شىققان بولاتىن.
