2023 جىلى "تەڭىزشەۆرويل" كومپانياسىنا ءتۇرلى ەكولوگيالىق زاڭ بۇزۋشىلىقتارعا جول بەرگەنى ءۇشىن 2,8 ملرد تەڭگە ايىپپۇل سالىندى، دەپ حابارلايدى “ادىرنا” سايتى. بۇل تۋرالى اتىراۋ وبلىسى ەكولوگيا دەپارتامەنتى مالىمدەدى.
"2023 جىلى اتىراۋ وبلىسىنىڭ مامانداندىرىلعان تابيعات قورعاۋ پروكۋراتۋراسى "تەڭىزشەۆرويل" جشس قورشاعان ورتاعا ەكولوگيالىق ەميسسيالاردى رۇقساتسىز شىعارعانىن، رۇقسات ەتىلگەن نورماتيۆتەردەن اسىرىپ جىبەرگەنىن جانە جەردى بۇلدىرگەنىن انىقتاپ، زاڭ بۇزۋشىلىققا جول بەرگەن تۇلعانى اكىمشىلىك جاۋاپكەرشىلىككە تارتۋ ۇسىندى", - دەپ جازىلعان حابارلامادا.
وسىعان وراي، اتىراۋ وبلىسى بويىنشا ەكولوگيا دەپارتامەنتى "تەڭىزشەۆرويل" جشس-نە قاتىستى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 328 جانە 337-باپتارى بويىنشا اكىمشىلىك قۇقىق بۇزۋشىلىق تۋرالى حاتتامالار جاساپ، قاراۋ ءۇشىن جىلىوي اۋداندىق سوتىنا جولدادى.
جىلىوي اۋداندىق سوتىندا جوعارىدا اتالعان ىستەر بىرىكتىرىلىپ قارالىپ، ناتيجەسىندە "تەڭىزشەۆرويل" جشس-نە جالپى سوماسى 2,8 ملرد تەڭگە كولەمىندە اكىمشىلىك ايىپپۇلدار سالىندى.
