اقش پرەزيدەنتى دونالد ترامپ يرانعا اسكەري كۇش قولدانبايتىنىن حابارلاپ، تەگەراندى دا سابىرلى بولۋعا شاقىردى، دەپ حابارلايدى "ادىرنا" ۇلتتىق پورتالى فەرعاناعا سىلتەپ.
اقپاراتتى يراننىڭ پاكىستانداعى ەلشىسى رەزا اميري موگادام مالىمدەگەن.
موگادامنىڭ ايتۋىنشا، يرانداعى جاعداي تولىق باقىلاۋدا. الايدا مەملەكەت توتەنشە دايىندىق رەجيمىن ساقتاپ وتىر. وسىعان بايلانىستى ەلدىڭ اۋە كەڭىستىگى ۋاقىتشا جابىلعان. ديپلومات ەگەر كەز كەلگەن اگرەسسيا ورىن السا، تەگەران اقش پەن يزرايل وبەكتىلەرىنە قارسى جاۋاپتى سوققىلار جاساۋعا دايىن ەكەنىن ەسكەرتتى.
Bloomberg اگەنتتىگى دە اقش پرەزيدەنتى ترامپتىڭ كۇش قولدانۋدان باس تارتقانىن حابارلادى. پرەزيدەنتتىڭ ايتۋىنشا، «قارسى تاراپتان» الىنعان اقپاراتقا سايكەس، يران ۇكىمەتى جاپپاي نارازىلىققا قاتىسۋشىلاردى ءولتىرۋدى توقتاتقان. ترامپ بۇل مالىمەتتى «وتە ماڭىزدى كوزدەردەن» العانىن جەتكىزدى.
«بىزگە يرانداعى ولتىرۋلەر توقتاتىلدى دەپ حابارلاندى»، – دەدى اقش پرەزيدەنتى باق وكىلدەرىنە.
ول ەگەر رەپرەسسيا قايتا جالعاسسا، قاتتى قىنجىلاتىنىن اتاپ ءوتتى. سونىمەن قاتار، اقش پرەزيدەنتى اسكەري ارەكەت مۇمكىندىگىن قاداعالاپ وتىرعانىن ايتتى.
ايتا كەتەيىك، بۇعان دەيىن ترامپ يراندىقتاردى ۇكىمەت پەن اياتوللا حامەنەيگە قارسى نارازىلىقتى جالعاستىرۋعا شاقىرعان. كوپتەگەن نارازىلىق اكتسيالارىندا ادامدار قازا تاپقاننان كەيىن پرەزيدەنت «قاجەتتى ارەكەت جاسايتىنىن» مالىمدەگەن.
