AQŞ prezidentı Donald Tramp İranǧa äskeri küş qoldanbaitynyn habarlap, Tegerandy da sabyrly boluǧa şaqyrdy, dep habarlaidy "Adyrna" ūlttyq portaly Ferǧanaǧa sıltep.
Aqparatty İrannyŋ Päkıstandaǧy elşısı Reza Amiri Mogadam mälımdegen.
Mogadamnyŋ aituynşa, İrandaǧy jaǧdai tolyq baqylauda. Alaida memleket tötenşe daiyndyq rejimın saqtap otyr. Osyǧan bailanysty eldıŋ äue keŋıstıgı uaqytşa jabylǧan. Diplomat eger kez kelgen agressiia oryn alsa, Tegeran AQŞ pen İzrail obektılerıne qarsy jauapty soqqylar jasauǧa daiyn ekenın eskerttı.
Bloomberg agenttıgı de AQŞ prezidentı Tramptyŋ küş qoldanudan bas tartqanyn habarlady. Prezidenttıŋ aituynşa, «qarsy taraptan» alynǧan aqparatqa säikes, İran ükımetı jappai narazylyqqa qatysuşylardy öltırudı toqtatqan. Tramp būl mälımettı «öte maŋyzdy közderden» alǧanyn jetkızdı.
«Bızge İrandaǧy öltıruler toqtatyldy dep habarlandy», – dedı AQŞ prezidentı BAQ ökılderıne.
Ol eger repressiia qaita jalǧassa, qatty qynjylatynyn atap öttı. Sonymen qatar, AQŞ prezidentı äskeri äreket mümkındıgın qadaǧalap otyrǧanyn aitty.
Aita keteiık, būǧan deiın Tramp irandyqtardy ükımet pen aiatolla Hameneige qarsy narazylyqty jalǧastyruǧa şaqyrǧan. Köptegen narazylyq aksiialarynda adamdar qaza tapqannan keiın prezident «qajettı äreket jasaitynyn» mälımdegen.
