پروكۋراتۋرا اتباسار كولونياسىنداعى ازاپتاۋ ءىسى بويىنشا شىعارىلعان اقتاۋ ۇكىمىنە قارسىلىق ءبىلدىردى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
اقمولا وبلىستىق پروكۋراتۋراسىنىڭ ءباسپاسوز قىزمەتى حابارلاعانداي، «ۇكىم زاڭدى كۇشىنە ەنگەن جوق. ىسكە اپەللياتسيالىق ءوتىنىش بەرىلدى، قازىر ءىس اپەللياتسيالىق ينستانتسياعا جولدانۋ ساتىسىندا» دەپ حابارلاندى.
پروكۋراتۋرا ناقتى قانداي پروتسەسسۋالدىق نورمالاردىڭ بۇزىلعانىن ەگجەي-تەگجەيلى تۇسىندىرمەدى. دەگەنمەن ۆەدومستۆو وكىلدەرى قارسىلىقتىڭ «قىلمىستىق-پروتسەسسۋالدىق زاڭ نورمالارىنىڭ بۇزىلۋىنا بايلانىستى» ەنگىزىلگەنىن اتاپ ءوتتى. سونداي-اق زارداپ شەككەندەر دە شاعىمدانعان.
اقمولا وبلىستىق سوتىنىڭ ءباسپاسوز قىزمەتى پروكۋراتۋرا مەن زارداپ شەككەندەردەن كەلگەن شاعىمداردىڭ راستالعانىن حابارلادى. بۇعان دەيىن اقمولا وبلىستىق ارنايى اۋدانارالىق قىلمىستىق ىستەر سوتىندا اتباسار كولونياسىنداعى ازاپتاۋ ءىسى بويىنشا سوت ۇكىمى شىققان ەدى.
ەسكە سالساق، بۇل ەكىنشى اقتاۋ ۇكىمى. 2025 جىلى دا جيۋري مۇشەلەرى اتباسار كولونياسىنىڭ قىزمەتكەرلەرىن كىناسىز دەپ تانىعان، بىراق اكمولا وبلىستىق سوتى ۇكىمدى زاڭبۇزۋشىلىقتارعا بايلانىستى جويىپ، ءىس قايتا قاراۋعا جىبەرىلگەن ەدى. العاشقى سوتتا ءىس بويىنشا قاتىسى جوق سۇراقتار قويىلۋى مۇمكىن دەپ، جيۋري مۇشەلەرىنىڭ الدىن-الا پىكىرى قالىپتاسۋى مۇمكىن دەپ كورسەتىلگەن.
ال 2023 جىلى جەلىدە سوتتالۋشى تيمۋر دانەباەۆتىڭ اتباسار كولونياسىندا ازاپتالعان ۆيدەوسى تاراعان.
