Prokuratura Atbasar koloniiasyndaǧy azaptau ısı boiynşa şyǧarylǧan aqtau ükımıne qarsylyq bıldırdı, dep habarlaidy "Adyrna" ūlttyq portaly QazTAG-qa sıltep.
Aqmola oblystyq prokuraturasynyŋ baspasöz qyzmetı habarlaǧandai, «ükım zaŋdy küşıne engen joq. Iske apelliasiialyq ötınış berıldı, qazır ıs apelliasiialyq instansiiaǧa joldanu satysynda» dep habarlandy.
Prokuratura naqty qandai prosessualdyq normalardyŋ būzylǧanyn egjei-tegjeilı tüsındırmedı. Degenmen vedomstvo ökılderı qarsylyqtyŋ «qylmystyq-prosessualdyq zaŋ normalarynyŋ būzyluyna bailanysty» engızılgenın atap öttı. Sondai-aq zardap şekkender de şaǧymdanǧan.
Aqmola oblystyq sotynyŋ baspasöz qyzmetı prokuratura men zardap şekkenderden kelgen şaǧymdardyŋ rastalǧanyn habarlady. Būǧan deiın Aqmola oblystyq arnaiy audanaralyq qylmystyq ıster sotynda Atbasar koloniiasyndaǧy azaptau ısı boiynşa sot ükımı şyqqan edı.
Eske salsaq, būl ekınşı aqtau ükımı. 2025 jyly da jiuri müşelerı Atbasar koloniiasynyŋ qyzmetkerlerın kınäsız dep tanyǧan, bıraq Akmola oblystyq soty ükımdı zaŋbūzuşylyqtarǧa bailanysty joiyp, ıs qaita qarauǧa jıberılgen edı. Alǧaşqy sotta ıs boiynşa qatysy joq sūraqtar qoiyluy mümkın dep, jiuri müşelerınıŋ aldyn-ala pıkırı qalyptasuy mümkın dep körsetılgen.
Al 2023 jyly jelıde sottaluşy Timur Danebaevtyŋ Atbasar koloniiasynda azaptalǧan videosy taraǧan.
