«اعايىندى تورتەۋ» ۇيىمداسقان قىلمىستىق توبىنىڭ ليدەرى ەركىن ءىزباسار دەنساۋلىعىنا بايلانىستى جازاسىن وتەۋدەن بوساتىلدى. بۇل تۋرالى تىلشىگە ءىىم قىلمىستىق-اتقارۋ جۇيەسى كوميتەتى مالىمدەدى، — دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
ءباسپاسوز قىزمەتىنىڭ حابارلاۋىنشا، ءبىرىنشى توپتاعى مۇگەدەك ءىزباساردىڭ دەنساۋلىعى قاماۋدا جاتۋعا جارامايدى.
«تەكسەرۋ ناتيجەسى مەن ەركىن ءىزباساردان انىقتالعان اۋرۋلار بويىنشا مەديتسينالىق كوميسسيانىڭ وتىرىسى ءوتتى. كوميسسيا ىشكى ىستەر ءمينيسترىنىڭ 2014 جىلعى 19 تامىزداعى № 530 بۇيرىعىنا سايكەس سوتتالۋشىنىڭ جازانى وتەۋدەن بوساتۋعا نەگىز بولاتىن اۋرۋلارىنىڭ بار-جوعىن انىقتادى»، — دەپ حابارلادى ءىىم قاجك.
كەيىن كولونيا قىزمەتكەرلەرى بۇل قورىتىندى ماتەريالدارمەن بىرگە ءىس جۇرگىزۋ شەشىمىن قابىلداۋ ءۇشىن سوتقا جىبەرىلگەنىن ءتۇسىندىردى.
2021 جىلعى 21 قازاندا وسكەمەن قالاسىنىڭ № 2 سوتى ءىزباسار جازاسىنىڭ وتەلمەگەن بولىگىن ساۋىققانعا دەيىن 11 جىل مەرزىمگە باس بوستاندىعىن شەكتەۋگە اۋىستىرۋ تۋرالى شەشىم قابىلدادى.
ەسكە سالايىق، ۇقت ليدەرى ەركىن ءىزباسار 12 جىلعا باس بوستاندىعىنان ايىرۋ جازاسىنا كەسىلگەن ءارى جازاسىن قاۋىپسىزدىگى بارىنشا جوعارى كولونيادا وتەگەن. ىزباسارعا ون باپ بويىنشا، ونىڭ ىشىندە قىلمىستىق توپ ۇيىمداستىرعانى جانە 39 ميلليون تەڭگە سوماسىندا مۇناي ۇرلاعانى ءۇشىن ايىپ تاعىلدى.
ونىمەن بىرگە سوتتالۋشىلار ورىندىعىندا 26 ادام بولدى، ونىڭ ىشىندە اقتوبە پوليتسيا دەپارتامەنتى باستىعىنىڭ ەكس-ورىنباسارى راحات احانوۆ تا بولدى. ولاردىڭ 24-ءى باس بوستاندىعىنان شەكتەۋ تۇرىندەگى جازا الدى.
“ادىرنا” ۇلتتىق پورتالى
