شىمكەنتتىك ەكى تۇرعىنى 4000 ەۋرو سوماسىندا جالعان اقشانى ساتتى دەگەن كۇدىككە ىلىنگەن، دەپ حابارلايدى "ادىرنا" ءتىلشىسى قارجىلىق مونيتورينگ اگەنتتىگىنە سىلتەمە جاساپ.
2021 جىلى شىمكەنت قالاسىنداعى بانك قىزمەتكەرلەرى الدىن الا ءسوز بايلاسۋ ارقىلى ءوز كليەنتتەرىنە جالپى سوماسى 4 000 ەۋرو جالعان اقشا ساتقان.
اتالعان فاكت بويىنشا تەرگەۋ جۇمىستار جۇرگىزىلىپ، ناتيجەسىندە بانكتىڭ 5 قىزمەتكەرى كىنالى دەپ تانىلعان. ولار 5 جىلعا باس بوستاندىعىنان ايىرىلدى.
بانك قىزمەتكەرلەرىنە جالعان كۋپيۋرا بەرگەن ازاماتقا حالىقارالىق ىزدەۋ جاريالانىپ، ناۋرىز ايىندا ول شۆەتسيادا ۇستالعان. قازىر قازاقستانعا ەكستراديتسيالانىپ، جازاسىن وتەۋدە.
ماۋسىم ايىندا كۇدىكتى مەن ونىڭ جۇبايىنا قاتىستى ءىس سوتقا جىبەرىلسە، سوت ۇكىمىمەن اتالعان ادامدار كىنالى دەپ تانىلىپ، 5 جىلعا باس بوستاندىعىنان ايىرىلدى.
قارجىلىق مونيتورينگ اگەنتتىگىنىڭ وكىلدەرى ساقتىققا شاقىرادى.
