بلوگەر قايسار قامزا وزىنە قاتىستى جاريالانعان ىزدەستىرۋدەن كەيىن العاش مالىمدەمە جاسادى. بۇل تۋرالى ول ءوزىنىڭ Instagram پاراقشاسىندا جاريالادى، دەپ حابارلايدى "ادىرنا".
«كىمنىڭ الا ءجىبىن اتتاپ قويدى ەكەم؟ بۇكىل ەل، ءدۇيىم جۇرت بولىپ ىزدەيتىندەي قىلمىسكەر سياقتى ەمەس ەدىم عوي. ءابلازوۆ سەكىلدى ەتىپ شىعارىپ قويعاندارى شە؟» – دەدى بلوگەر.
ەسكە سالا كەتەيىك، بۇعان دەيىن قازاقستان رەسپۋبليكاسىنىڭ قارجى مونيتورينگى اگەنتتىگى (قما) بلوگەر قايسار قامزاعا رەسمي تۇردە ىزدەۋ جاريالاعان ەدى. ىزدەستىرۋ ءىسى استانا قالاسى بويىنشا تىركەلگەن.
ۇقساس جاڭالىقتار
