قارجى مونيتورينگ اگەنتتىگىنىڭ شىمكەنت قالاسى بويىنشا دەپارتامەنتى «اۋىل شارۋاشىلىعىن قارجىلاي قولداۋ قورى» اق-نىڭ بۇرىنعى توراعاسى جاندار وماروۆقا قاتىستى سوتقا دەيىنگى تەرگەۋ وتكىزىپ جاتىر، دەپ حابارلايدى "ادىرنا".
«ول الما باقتارىن سالۋعا بولىنگەن بيۋدجەت قاراجاتىن يەمدەنۋ فاكتىسى بويىنشا، قىزمەتتىك وكىلەتتىگىن پايدالانا وتىرىپ، جۇمىستار مەن جابدىقتاردىڭ قۇنىن نەگىزسىز كوتەرۋ جولىمەن ۇرلىق جاسادى دەگەن كۇدىككە ءىلىندى»، - دەپ حابارلايدى قما.
دەرەككوز بۇل قىلمىستىق ءىستىڭ سحەماسىن بىلايشا تۇسىندىرگەن: جاندار وماروۆ وزىنە قاتىسى بار «Green Mart Kazakhstan» كومپانياسىنىڭ باسشىسىن تارتقان. اتالعان تۇلعا باعدارلاماعا قاتىسۋشى بولىپ كورىنۋ ءۇشىن دوستارى مەن تۋىستارىنىڭ اتىنا 20 جالعان كومپانيا تىركەگەن. شىن مانىندە بۇل تۇلعالار ەشقانداي قىزمەت اتقارماعان جانە جوباعا قاتىسپاعان.
«جالعان قۇجاتتار نەگىزىندە قورعا 1,4 ملرد تەڭگە كولەمىندە ليزينگ الۋ تۋرالى وتىنىمدەر ۇسىنىلىپ، ولار كەيىن قور تاراپىنان ماقۇلدانعان. بايقاۋ راسىمدەرىن وتكىزبەستەن، جەتكىزۋشى رەتىندە ءبىر عانا قاتىسۋشى — «Green Mart Kazakhstan» جشس تاڭدالعان. قاراجات تۇسكەن سوڭ، ونىڭ ءبىر بولىگى كاسىپورىنداردىڭ ەسەپشوتتارىنا اۋدارىلىپ، قولما-قول اقشاعا اينالدىرىلعان»، - دەپ حابارلايدى قما.
