Блогер Қайсар Қамза өзіне қатысты жарияланған іздестіруден кейін алғаш мәлімдеме жасады. Бұл туралы ол өзінің Instagram парақшасында жариялады, деп хабарлайды "Адырна".
«Кімнің ала жібін аттап қойды екем? Бүкіл ел, дүйім жұрт болып іздейтіндей қылмыскер сияқты емес едім ғой. Әбләзов секілді етіп шығарып қойғандары ше?» – деді блогер.
Еске сала кетейік, бұған дейін Қазақстан Республикасының Қаржы мониторингі агенттігі (ҚМА) блогер Қайсар Қамзаға ресми түрде іздеу жариялаған еді. Іздестіру ісі Астана қаласы бойынша тіркелген.
