اتىراۋدا بلوگەرلەر كەلەمەجدەپ، ۆيدەوسىن جەلىگە جۇكتەگەن مەملەكەتتىك ساراپتاما ورتالىعىنىڭ كۇزەتشىسى قان قىسىمى كوتەرىلىپ، كوز جۇمدى. بۇل تۋرالى ادۆوكات اينۇر بالاكەشوۆا الەۋمەتتىك جەلىدەگى پاراقشاسىندا ءبولىستى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، مەملەكەتتىك مەكەمەنىڭ 56 جاستاعى كۇزەتشىسى حاكىم يمانيازوۆقا وزدەرىن بلوگەر دەگەن كەلۋشىلەر اۋىر ءسوز ايتقان. سالدارىنان كۇزەتشىنىڭ دەنساۋلىعى كۇرت ناشارلاپ، جەدەل جاردەم شاقىرىلعان. ال بىرنەشە اپتادان كەيىن ول قايتىس بولعان.
ادۆوكات مالىمەتىنشە، بلوگەر مەملەكەتتىك مەكەمەگە كىرمەك بولعان، بىراق كۇزەتشى تۋرنيكەتتەن وتۋگە رۇقسات بەرمەگەن. ولار عيماراتتا ءورت قاۋىپسىزدىگى سالاسىنداعى بىرقاتار زاڭبۇزۋشىلىقتى كورگەنىن ايتىپ، مەكەمەنىڭ سىرتىندا ەلىمىزدىڭ تۋى ىلىنبەگەنىن العا تارتقان.
"مىنا جەردى قاراڭىز، زاڭ بۇزىلىپ تۇر. تۋ جوق، دىم جوق. سالەمەتسىز بە، ىشتە كىم بار؟ بىزگە باسشى كەرەك. ءورت سوندىرەتىن قۇرىلعىلار دا ىستەمەيدى. اشىق قوي، كىرە بەرۋگە بولادى. ءسىز كىمسىز؟ قولىم-اي. 102 شاقىرىڭدار. كىمسىز ءوزى؟ ماعان جالا جاپقانىڭىز ءۇشىن ارىز جازامىن. قولىڭدى تارت!" - دەيدى ۆيدەوداعى ايەل.
ۆيدەودا كۇزەتشى ايەلدى مەكەمەدەن شىعارماق بولادى. الايدا ايەلگە ەر ادام جاقتاسىپ، كۇزەتشىگە "كىمسىڭ ءوزى؟ بومجسىڭ با؟ ەركەك ەمەسسىڭ!" دەيدى.
اۋرۋحاناعا تۇسكەن ەر ادام بىرنەشە كۇننەن كەيىن جان تاپسىرعان. كۇزەتشى حاكىم يمانيازوۆ 56 جاستا ەدى. ارتىندا ەكى ۇل، ءبىر قىزى قالدى.
رatriot تىلشىلەرى كۇزەتشىنىڭ جەسىرىمەن تەلەفون ارقىلى سويلەسكەن. ءماريام قىزمەتتە جۇرگەن كۇيەۋىنە ءتىل تيگىزگەن ەكى ادامدى جاۋاپقا تارتپاق.
پوليتسەيلەر مەملەكەتتىك ساراپتاما ورتالىعى بلوگەرلەرگە قاتىستى ارىز جازعانىن راستادى.
