اقتاۋ قالاسىندا Asiakoz كلينيكاسىنىڭ بازاسىندا كورۋ مۇشەلەرى اۋرۋلارىن دياگنوستيكالاۋ جانە ەمدەۋدىڭ زاماناۋي تاسىلدەرىنە ارنالعان ماڭعىستاۋلىق وفتالمولوگتاردىڭ كاسىبي كەزدەسۋى ءوتتى. ءىس-شارانىڭ نەگىزگى ماقساتى — تاجىريبە الماسۋ جانە وڭىردەگى وفتالمولوگيالىق كومەكتىڭ ساپاسىن ارتتىرۋ.
كەزدەسۋ بارىسىندا Asiakoz International Hospital كلينيكاسىنىڭ تۇركيالىق مامانى، وفتالموحيرۋرگ ەرول دجوشكۋن ءوز كاسىبي تاجىريبەسىمەن ءبولىستى. مامانىنىڭ ايتۋىنشا، ول ءتورت ايدان استام ۋاقىت بويى اقتاۋ قالاسىندا جۇمىس ىستەپ، Asiakoz كلينيكاسىندا ناۋقاستارعا كەڭەس بەرىپ، حيرۋرگيالىق وپەراتسيالار جۇرگىزىپ كەلەدى.
ءوز سوزىندە ەرول دجوشكۋن كوز اۋرۋلارى بويىنشا ماماندارعا دەر كەزىندە جۇگىنۋدىڭ ماڭىزدىلىعىن اتاپ ءوتتى. ونىڭ ايتۋىنشا، وفتالمولوگقا ۋاقىتىلى قارالماۋ كوپتەگەن جاعدايدا قايتىمسىز سالدارعا، سونىڭ ىشىندە كورۋ قابىلەتىنىڭ ايتارلىقتاي تومەندەۋىنە اكەلۋى مۇمكىن.
كەزدەسۋ اشىق كاسىبي ديالوگ فورماتىندا ءوتتى. قاتىسۋشىلار كلينيكالىق جاعدايلاردى، ەمدەۋدىڭ زاماناۋي ادىستەرىن جانە وفتالمولوگيا سالاسىنداعى وزەكتى ماسەلەلەردى تالقىلادى. مۇنداي كەزدەسۋلەر وڭىردەگى مەديتسينالىق كومەكتىڭ ساپاسىن ارتتىرۋعا جانە كاسىبي قاۋىمداستىقتىڭ دامۋىنا ىقپال ەتەدى.
Asiakoz كلينيكاسى الداعى ۋاقىتتا دا شەتەلدىك مامانداردىڭ قاتىسۋىمەن كاسىبي كەزدەسۋلەر مەن ءبىلىم بەرۋ ءىس-شارالارىن تۇراقتى تۇردە وتكىزۋدى جوسپارلاپ وتىر.
