اقتاۋدا ەكى بالا كوپقاباتتى ءۇيدىڭ 11 قاباتىنداعى بالكون قورشاۋىندا قاۋىپتى ويىن ويناعان. وقيعانىڭ بەينەجازباسى الەۋمەتتىك جەلىدە تارادى، دەپ حابارلايدى «ادىرنا» ءتىلشىسى.
ۆيدەودان كىشكەنتاي قىزداردىڭ بيىك ءۇيدىڭ بالكونىنداعى قورشاۋعا وتىرىپ العانىن بايقاۋعا بولادى.
بۇل كادرلار الەۋمەتتىك جەلىدە قىزۋ پىكىرتالاس تۋدىردى. جەلى قولدانۋشىلارى اتا-انالاردىڭ بالا قاۋىپسىزدىگىنە دەگەن سالعىرتتىعىنا الاڭداۋشىلىق ءبىلدىردى. ابىروي بولعاندا، بالالار ءدىن امان. زارداپ شەككەندەر جوق.
ايتا كەتەيىك، ماڭعىستاۋ وبلىسىندا كەيىنگى ەكى جىلدا بالالاردىڭ تەرەزەدەن قۇلاۋىنا قاتىستى 13 وقيعا تىركەلگەن. وبلىستىق تجد مالىمەتىنشە، ونىڭ بەسەۋى 2024 جىلى، ال سەگىزى بيىل ماۋسىم ايىنا دەيىن بولعان. جازاتايىم وقيعالار بىلتىرعىمەن سالىستىرعاندا 60 پايىزعا كوبەيىپ وتىر.
ۇقساس جاڭالىقتار
