استانانىڭ پوليتسيا دەپارتامەنتى كاسپي قۇبىر كونسورتسيۋمىنا (كقك) قاتىستى تەرىس پىكىر بىلدىرگەن ازاماتتارعا قاتىستى الدىن الا تەرگەۋ جۇرگىزۋدى باستادى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
بۇل تۋرالى باس پروكۋراتۋرانىڭ باسشىسى بەرىك اسىلوۆ مالىمدەدى.
مالىمەتكە سايكەس، 17 جەلتوقساندا ءماجىلىس دەپۋتاتى ايدوس سارىم ازاماتتاردىڭ كقك ينفراقۇرىلىمىنا شابۋىلعا قولداۋ ءبىلدىرۋىن زاڭ تۇرعىسىنان باعالاۋدى سۇراعان.
باس پروكۋروردىڭ سوزىنشە، 17 جەلتوقساندا استانا پوليتسياسى قىلمىستىق كودەكستىڭ 174-بابىنىڭ 1-ءبولىمى — «ۇلتارالىق ارازدىق قوزدىرۋ» بويىنشا تەرگەۋ تىركەلگەنى ايتىلعان. تەرگەۋ اياسىندا ازاماتتاردى انىقتاۋ جانە ولاردىڭ كىناسىن دالەلدەيتىن ماتەريالدار جيناۋ جۇمىستارى جۇرگىزىلۋدە. قورىتىندى بويىنشا ولاردىڭ ارەكەتتەرىنە قۇقىقتىق باعا بەرىلىپ، پروتسەسسۋالدىق شەشىم قابىلدانادى.
كقك-نان تولىق باس تارتۋ مۇمكىندىگى مەن بالامالى ەكسپورتتىق مارشرۋتتار تۋرالى اقپاراتقا قاتىستى تالداۋ الداعى ۋاقىتتا جاريالانۋى مۇمكىن.
ءبىر ايت كەتەرلىگى - دەپۋتات ايدوس سارىم 17 جەلتوقساندا باس پروكۋراتۋرادان اتالعان جاريالانىمدارعا قۇقىقتىق باعا بەرىپ، ولاردى تەرروريزمدى ناسيحاتتاۋ (قر قك 256-بابى) نەمەسە مەملەكەتتىك وپاسىزدىق (قر قك 175-بابى) رەتىندە قاراستىرۋدى دا سۇراعان بولاتىن.
سونىمەن قاتار ول حالىق اراسىندا ءتۇسىندىرۋ جۇمىستارىن جۇرگىزىپ، مۇناي قۇبىرلارى مەن ەلدىڭ ەكونوميكالىق قاۋىپسىزدىگى ءۇشىن اسا ماڭىزدى وزگە دە ينفراقۇرىلىم نىساندارىن جويۋعا شاقىراتىن اقپاراتتى تاراتۋعا بولمايتىنىن ءتۇسىندىرۋدى ۇسىندى.
كقك — قازاقستان مۇنايىن ەكسپورتتاۋدىڭ نەگىزگى باعىتى. ەل جىل سايىن وسى قۇبىر ارقىلى كەمىندە 60 ميلليون توننا مۇناي جونەلتەدى. قازىرگى ۋاقىتتا قازاقستان شابۋىلدان كەيىنگى شىعىنداردى ەسەپتەپ جاتىر. ەنەرگەتيكا ءمينيسترى ەرلان اقكەنجەنوۆتىڭ مالىمدەۋىنشە، قازاقستان شابۋىل سالدارىنان كەم دەگەندە 480 مىڭ توننا مۇناي وندىرە الماي قالعان.
ەسكە سالايىق، 29 قاراشادا استانا ۋاقىتىمەن 06:06-دا نوۆوروسسيسك پورتى اۋدانىندا كقك-نىڭ تەڭىز ينفراقۇرىلىم نىساندارىنا ەكيپاجى جوق ءجۇزۋ قۇرالدارى ارقىلى شابۋىل جاسالعان ەدى. شابۋىل ناتيجەسىندە تەڭىزدەگى قاشىقتاعى ايلاق قوندىرعىسى ۆپۋ-2 (قالقىمالى تيەۋ قۇرىلعىسى) ايتارلىقتاي زاقىمدالعان.
