اقش پرەزيدەنتى دونالد ترامپ ۆەنەسۋەلا اۋماعىنداعى بىرقاتار نىساندارعا، اسكەري وبەكتىلەرگە، سوققى جاساۋعا بۇيرىق بەرگەنى تۋرالى اقپارات تارادى دەپ حابارلايدى "ادىرنا" ۇلتتىق پورتالى.
وسىدان كەيىن ەل استاناسى كاراكاستا بىرنەشە جارىلىس تىركەلىپ، اۋە بازاسى ماڭىنان ءتۇتىن كوتەرىلگەنى حابارلاندى.
اقش بيلىگى بۇل اقپاراتقا ازىرگە رەسمي تۇسىنىكتەمە بەرمەدى. الايدا ۆەنەسۋەلا پرەزيدەنتى نيكولاس مادۋرو ەلدە توتەنشە جاعداي رەجيمىن ەنگىزىپ، بۇل ارەكەتتى اقش-تىڭ «اسكەري اگرەسسياسى» دەپ باعالادى. كاراكاس بىرىككەن ۇلتتار ۇيىمىنىڭ قاۋىپسىزدىك كەڭەسىنە جۇگىنىپ، حالىقارالىق دەڭگەيدە جاۋاپكەرشىلىككە تارتۋدى تالاپ ەتتى.
ۆۆس دەرەگىنشە، اقش پەن ۆەنەسۋەلا اراسىنداعى كوپ جىلدان بەرى جالعاسىپ كەلە جاتقان ساياسي تەكەتىرەستىڭ جاڭا كەزەڭى دەپ باعالانعان. سوڭعى ايلاردا اقش كاريب تەڭىزى مەن تىنىق مۇحيتى ايماعىندا ۆەنەسۋەلامەن بايلانىستى دەپ كۇدىككە ىلىنگەن كەمەلەرگە بىرنەشە رەت سوققى جاساعان. ۆاشينگتون بۇل وپەراتسيالاردى ەسىرتكى تاسىمالىنا قارسى كۇرەس دەپ تۇسىندىرسە، ۆەنەسۋەلا مۇنى ەگەمەندىككە قول سۇعۋ رەتىندە قابىلدادى.
سونىمەن قاتار، دونالد ترامپتىڭ ۆەنەسۋەلا باسشىسى نيكولاس مادۋرونى بيلىكتەن كەتىرۋگە باعىتتالعان قاتاڭ ريتوريكاسى دا جاعدايدى ۋشىقتىرعان فاكتورلاردىڭ ءبىرى رەتىندە قاراستىرىلادى. بۇعان دەيىن ترامپ اكىمشىلىگى ۆەنەسۋەلاعا قارسى سانكتسيالار مەن اسكەري قىسىم تەتىكتەرىن بىرنەشە رەت قولدانعان.
اقش اۋە كۇشتەرى ۆەنەسۋەلا استاناسى كاراكاستاعى ۇلتتىق اسسامبلەيا عيماراتى، حالىقارالىق اۋەجاي مەن بۇرىنعى اسكەري مۋزەي بولعان «Cuartel de la Montaña» كەشەنىنە اۋە سوققى جاسادى. بۇل جەردە بۇرىنعى پرەزيدەنت ۋگو چاۆەستىڭ قالدىقتارى ورنالاسقان، مۋزەي ساياساتكەردىڭ ولىمىنە دەيىن ارنايى ورىنعا اينالعان.
كاراكاس ۇستىندە MH-60M Black Hawk تىكۇشاقتارى بايقالعان، ولار بۇرىن كاريب تەڭىزى ايماعىندا جاتتىعۋلار وتكىزگەن.
