اقش جوعارعى سوتى ەل اۋماعىندا دۇنيەگە كەلگەن ادامداردىڭ امەريكا ازاماتتىعىن اۆتوماتتى تۇردە الۋعا قۇقىعى بار ەكەنىن راستادى، دەپ حابارلايدى «ادىرنا» ءتىلشىسى BBC-گە سىلتەمە جاساپ.
بۇعان دەيىن اق ءۇي باسشىسى دونالد ترامپ بۇل قۇقىقتى شەكتەۋگە تالپىنىس جاساعان ەدى. ول قىزمەتىنە كىرىسكەننەن كەيىنگى العاشقى جارلىقتارىنىڭ ءبىرى ارقىلى تۋ ارقىلى ازاماتتىق الۋ ءتارتىبىن شەكتەۋدى كوزدەگەن.
الايدا جوعارعى سوت ترامپتىڭ جارلىعىن كۇشىن جويۋ تۋرالى شەشىم قابىلدادى. شەشىمدى التى سۋديا قولداسا، ۇشەۋى قارسى داۋىس بەرگەن.
اقش پرەزيدەنتى تۋ ارقىلى ازاماتتىق الۋ قۇقىعىن شەكتەۋ تۋرالى جارلىققا 2025 جىلدىڭ قاڭتارىندا قول قويعان ەدى. جارلىققا قول قويىلعاننان كەيىن بىردەن بيلىگى دەموكراتيالىق پارتيانىڭ قولىنداعى بىرنەشە شتات پەن قالا ونى جويۋدى تالاپ ەتىپ، سوتقا جۇگىنگەن بولاتىن.
جارلىقتىڭ كۇشىنە ەنۋىن ءۇش فەدەرالدىق سۋديا توقتاتۋعا تىرىسقانىمەن، ولاردىڭ شەشىمدەرىن اقش جوعارعى سوتى كەيىننەن جويدى. سونىڭ ناتيجەسىندە بىرنەشە سوت ءىسى ءبىر وندىرىسكە بىرىكتىرىلىپ، سوڭعى شەشىمدى 30 ماۋسىم كۇنى جوعارعى سوت شىعاردى.
ەسكە سالايىق، ترامپتىڭ جاڭا تۋعان سابيگە ازاماتتىق بەرۋدى شەكتەۋ تۋرالى جارلىعى دەموكراتتاردىڭ نارازىلىعىن تۋعىزعان ەدى.
