قازاقستان رەسپۋبليكاسىنىڭ سىرتقى ىستەر مينيسترلىگى ء(سىم) اككرەديتتەلگەن شەتەلدىك باق وكىلدەرىنىڭ ىشىندە كوبى رەسەيگە تيەسىلى بولىپ شىقتى، دەپ حابارلايدى “ادىرنا”.
2025 جىلدىڭ مالىمەتى بويىنشا، ەلىمىزدە جالپى 11 ەلدەن 33 باق-قا وكىلدىك ەتەتىن 137 جۋرناليست تىركەلگەن. ولاردىڭ ىشىندە ەڭ كوبى رەسەيلىك باق، ەڭ ازى جاپونيالىق باق بولىپ شىقتى. رەسەيدەن كەيىنگى ورىندا گەرمانيا تۇر. ودان كەيىن قىتاي باق-ى وكىلدەرى تىركەلگەن. ءبىر قىزىعى ورتالىق ازيا ەلدەرى باق-ىنان ەشكىم تىركەلمەگەن. ال تىركەلگەن تۇركيالىق باق وكىلى بار-جوعى 4 ادام بولىپ شىقتى.
ءار ەلدەن تىركەلگەن جۋرناليستەر سانى:
- رەسەي– 39;
- گەرمانيا– 21;
- قىتاي – 20;
- اقش – 15;
- فرانتسيا – 14;
- اقش/چەحيا – 12;
- ۇلىبريتانيا – 4;
- ازەربايجان – 4;
- تۇركيا – 5;
- جاپونيا – 2.
ەڭ كوپ جۋرناليست تىركەلگەن ەلدەر: رەسەي – 39, گەرمانيا – 21, قىتاي – 20.
ال ەڭ از جۋرناليست تىركەلگەن ەلدەرگە جاپونيا – 2 جۋرناليست ،ازەربايجان جانە ۇلىبريتانيا، ارقايسىسىنان 4 جۋرناليست جاتادى.
قازاقستانداعى شەتەلدىك باق وكىلدەرىنىڭ 6 ايدا ءبىر اككرەديتاتسياسى قايتا قارالىپ، ۇزارتىلىپ تۇرادى. شەتەلدىك باق وكىلدەرىنىڭ ىشىندە قازاقستان ازاماتتارى دا بارشىلىق. ازاماتتىعىنىڭ قاي ەلگە تيەسىلى بولعانىنا قاراماستان، سونىڭ ءبارى سىرتقى ىستەر مينيسترلىگىنەن تىركەۋدەن وتەدى.
