Saud Arabiiasy Özbekstannan kemınde 20 myŋ eŋbek migrantyn jūmysqa tartudy josparlap otyr. Būl turaly Caliber.Az agenttıgı jazdy, dep habarlaidy «Adyrna» tılşısı.
Būl mäsele Özbekstan Respublikasynyŋ Jūmyspen qamtu ministrı Botir Zahidovtyŋ Saud Arabiiasynyŋ Özbekstandaǧy elşısı Iýsuf bin Solih äl-Utaibimen kezdesuınde belgılı bolǧan.
Kezdesu barysynda taraptar bırqatar mamandyq boiynşa kadrlar daiarlaityn oqu ortalyqtaryn qūru mümkındıgın de talqylaǧan.
Eske salaiyq, 24 jeltoqsanda Er-Riiad qalasynda Özbekstan delegasiiasy men Saud Arabiiasy ökılderınıŋ kezdesuı ötken bolatyn. Taraptar zaŋdy eŋbek migrasiiasy, käsıbi daiarlau, eŋbek inspeksiiasy jäne jūmyspen qamtu mäselelerın üilestıru salalaryndaǧy yntymaqtastyqty nyǧaitu joldaryn talqylaǧan. Äsırese 2026 jyldyŋ qaŋtarynan bastapSaud Arabiiasynda ıske qosylatyn şeteldık azamattardy jūmysqa qabyldau üderısterın sifrlandyruǧa baǧyttalǧan «Takamul» platformasyn engızu mäselesıne jäne osy jüienı Özbekstanda beiımdeu mümkındıgıne erekşe nazar audarylǧan. Atalǧan platforma Özbekstan azamattaryna jūmys beruşılermen tıkelei eŋbek şarttaryn jasauǧa mümkındık beredı.
