وزبەكستان ۇجىمدىق قاۋىپسىزدىك تۋرالى شارت ۇيىمىنا (ۇقشۇ) قايتا ورالۋ ماسەلەسىن قاراستىرىپ جاتقان جوق جانە وسى ۇيىم مۇشەلەرىنەن شاقىرتۋ العان جوق، دەپ دۇيسەنبىدە ەل پرەزيدەنتىنىڭ ءباسپاسوز حاتشىسى، ونىڭ اكىمشىلىگى باسشىسىنىڭ ورىنباسارى شەرزود اسادوۆ مالىمدەدى، دەپ "ادىرنا" پورتالى ريا نوۆوستيگە سىلتەمە جاساپ حابارلايدى.
«بىزگە ۇقشۇ-عا مۇشە بولۋ تۋرالى ۇسىنىستار تۇسكەن جوق. ونىڭ ۇستىنە ءبىزدىڭ زاڭ اسكەري بازالار قۇرۋعا جانە ونداي ۇيىمدارعا كىرۋگە تىيىم سالادى»، - دەدى اسادوۆ بريفينگ بارىسىندا.
بۇعان دەيىن تاجىكستان ۇقشۇ وداقتاستارىنان كومەك سۇراعان، ويتكەنى بۇل ەلدىڭ اۋعانستاننان كەلەتىن قيىندىقتاردى جالعىز ءوزى جەڭۋى قيىن بولادى. دۋشانبەنىڭ پىكىرىنشە، قازىرگى جاعدايلار «ۇقشۇ اياسىندا ءتيىستى رەاكتسيانى، ونىڭ ىشىندە وڭتۇستىك شەكارالاردى قورعاۋ الەۋەتىن كۇشەيتۋ جونىندەگى شارالاردى قابىلداۋدى» تالاپ ەتەدى.
ۇجىمدىق قاۋىپسىزدىك تۋرالى شارت ۇيىمى (ۇقشۇ) ايماقتىق حالىقارالىق ۇيىم بولىپ تابىلادى، ونىڭ ماقساتى - «بەيبىتشىلىكتى، حالىقارالىق جانە ايماقتىق قاۋىپسىزدىك پەن تۇراقتىلىقتى نىعايتۋ، ۇجىمدىق نەگىزدە مۇشە مەملەكەتتەردىڭ تاۋەلسىزدىگىن، اۋماقتىق تۇتاستىعى مەن ەگەمەندىگىن، باسىمدىلىعىن قورعاۋ» وعان قول جەتكىزۋدە مۇشە مەملەكەتتەر ونى ساياسي قۇرالدارعا بەرەدى. قازىرگى ۋاقىتتا ۇيىمنىڭ مۇشەلەرى رەسەي، ارمەنيا، بەلارۋسسيا، قازاقستان، قىرعىزستان، تاجىكستان بولىپ تابىلادى.
"ادىرنا" ۇلتتىق پورتالى
