دزيۋدودان سپورتتىق ماۋسىم اياقتالدى. قازاقستاندىق دزيۋدوشى ءابيبا ابۋجاقىنوۆ ماۋسىمدى الەمدىك رەيتينگتىڭ كوشباسشىسى رەتىندە اياقتادى. بۇل تۋرالى ۇوك ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
جىل سوڭىندا قازاقستاندىق سپورتشىنىڭ ەنشىسىندە 5096 ۇپاي بار. ول 48 كەلىگە دەيىنگى سالماق دارەجەسىندە رەيتينگتىڭ ءبىرىنشى ساتىسىندا تۇر.
وكىنىشكە قاراي، باسقا قازاقستاندىق دزيۋدوشىلاردىڭ ەشقايسىسى ۇزدىك وندىققا ەنە المادى. دەگەنمەن عۇسمان قىرعىزباەۆ (66 كەلىگە دەيىن) پەن ابىلايحان جۇبانازار (81 كەلىگە دەيىن) بۇل مەجەگە جاقىن بولعان ەدى. ەكەۋى دە 14-ورىندا تۇر.
ايتا كەتەيىك، بيىل ءابيبا ابۋجاقىنوۆا ۆەنگريانىڭ بۋداپەشت قالاسىندا وتكەن الەم چەمپيوناتىندا كۇمىس مەدال جەڭىپ الدى.
ۇقساس جاڭالىقتار
