مينيسترلەردەن كىم كوپ ءتىل مەڭگەرگەن.بۇل تۋرالى Ranking.kz تىلدى مەڭگەرۋ دەڭگەيى بويىنشا مينيسترلەردىڭ رەيتينگىن جاسادى، دەپ حابارلايدى “ادىرنا” ۇلتتىق پورتالى.
قازىر قازاقستاندا 19 مينيسترلىك بار. سونىڭ ىشىنەن عىلىم جانە جوعارى ءبىلىم ءمينيسترى نۇربەك ساياسات كوش باستادى. مينيستر جەتى تىلدە – قازاق، ورىس، اعىلشىن، يتاليان، تۇرىك، جاپون جانە لاتىن تىلدەرىندە سويلەيدى.
ەكىنشى ورىندا سىرتقى ىستەر ءمينيسترى مۇحتار تىلەۋبەردى مەن ۇلتتىق ەكونوميكا ءمينيسترى الىبەك قۋانتىروۆ تۇر. ولاردىڭ ارقايسىسى بەس ءتىلدى مەڭگەرگەن.
ۇزدىك ۇشتىكتى اقپارات جانە قوعامدىق دامۋ ءمينيسترى دارحان قىدىرالى، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين جانە ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا تۇيىندەيدى: ارقايسىسى ءتورت ءتىلدى بىلەدى.
قازاقستاندىق 19 ءمينيستردىڭ 12-ءسى اعىلشىن ءتىلىن مەڭگەرگەن.
”ادىرنا” ۇلتتىق پورتالى
