قاراعاندى وبلىسىندا جولاۋشىلار پويىزى مەن جەڭىل كولىك سوقتىعىسىپ، ءۇش ادام وقيعا ورنىندا قازا تاپتى. بۇل تۋرالى قتج ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
قايعىلى جاعداي 17 قىركۇيەكتە ساعات 00:54-تە اقادىر – قاراعاندى ۋچاسكەسى جارىق-داريا ارالىعىنداعى كۇزەتىلمەيتىن، رەتتەلەتىن تەمىرجول وتكەلىندە بولعان.
«92 كم/ساع جىلدامدىقپەن ءجۇرىپ كەلە جاتقان جولاۋشىلار پويىزىنىڭ ءماشينيسى Mazda ماركالى جەڭىل اۆتوكولىكتىڭ جولعا شىعۋىنا بايلانىستى شۇعىل تەجەۋدى قولداندى. سوقتىعىسۋدىن الدىن الۋ مۇمكىن بولمادى. اۆتوكولىك جۇرگىزۋشىسى مەن ەكى جولاۋشى اۋىر جاراقاتتان كوز جۇمدى. وقيعا تۋرالى اقپارات قۇقىق قورعاۋ ورگاندارىنا بەرىلدى»،—دەلىنگەن حابارلامادا.
«قتج «ۇك» اق قازا تاپقانداردىڭ تۋىستارى مەن جاقىندارىنا كوڭىل ايتىپ، جول قوزعالىسىنىڭ بارلىق قاتىسۋشىسىن تەمىرجول وتكەلدەرىنىڭ ءجۇرۋ ەرەجەلەرىن قاتاڭ ساقتاۋعا شاقىردى.
