رۋستام باياليەۆ پرەزيدەنت اكىمشىلىگىنىڭ وڭىرلىك دامۋ مونيتورينگى ءبولىمىنىڭ مەڭگەرۋشىسى لاۋازىمىنان بوساتىلدى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ وكىمىمەن رۋستام احاتحانۇلى باياليەۆ قازاقستان رەسپۋبليكاسى پرەزيدەنتى اكىمشىلىگىنىڭ وڭىرلىك دامۋ مونيتورينگى ءبولىمىنىڭ مەڭگەرۋشىسى لاۋازىمىنان بوساتىلدى»،-دەلىنگەن حابارلامادا.
ول بۇل قىزمەتكە 2025 جىلدىڭ اقپان ايىندا تاعايىندالعان ەدى. ول ودان الدىن از عانا ۋاقىت پرەزيدەنت ءىس باسقارۋشىسىنىڭ ورىنباسارى قىزمەتىن اتقارعان.
ايتا كەتەيىك، رۋستام باياليەۆ 1975 جىلى الماتى قالاسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىن "حالىقارالىق جۋرناليست" ماماندىعىمەن تامامداعان. مەملەكەتتىك باسقارۋ اكادەمياسىن، حالىقارالىق جۋرناليست، ەكونوميكا باكالاۆرى، ەكونوميكا ماگيسترى. ەڭبەك جولىن قارجى مينيسترلىگىندە مەملەكەتتىك سالىق كوميتەتىنىڭ مامانى بولىپ باستاعان. ءار جىلدارى قارجى ءمينيسترىنىڭ كومەكشىسى – دەپارتامەنت حاتشىلىعىنىڭ مەڭگەرۋشىسى، باسقارما باستىعىنىڭ ورىنباسارى، باسقارما باستىعى، دەپارتامەنت ديرەكتورىنىڭ ورىنباسارى، يندۋستريا جانە ساۋدا مينيسترلىگىندە دەپارتامەنت ديرەكتورى، كوميتەت توراعاسىنىڭ ورىنباسارى، اقمولا وبلىسى اكىمى اپپاراتىنىڭ باسشىسى، «استاناەنەرگوسەرۆيس» اق باسقارما توراعاسى، الماتى وبلىسىنىڭ ات سپورتى فەدەراتسياسىنىڭ باسشىسى قىزمەتىن اتقارعان.
