قازاقستان كاسپي قۇبىر كونسورتسيۋمىنىڭ ينفراقۇرىلىمىنا جاسالعان شابۋىلدان كەيىن مۇناي ءوندىرۋ كولەمىنەن 480 مىڭ توننا جوعالتتى، دەپ حابارلايدى "ادىرنا" ۇلتتىق پورتالى Gazeta.ru-عا سىلتەپ.
بۇل تۋرالى ەلدىڭ ەنەرگەتيكا ءمينيسترى ەرلان اقكەنجەنوۆ مالىمدەگەن.
ءمينيستردىڭ ايتۋىنشا، ايتارلىقتاي شىعىنعا قاراماستان، بۇل جاعداي 2025 جىلعا جوسپارلانعان مۇناي ءوندىرۋ كورسەتكىشتەرىن ورىنداۋعا كەدەرگى بولمايدى.
اقكەنجەنوۆتىڭ مالىمەتىنشك، شابۋىلدان كەيىن كقك ايتارلىقتاي زاقىمدانعان. ونىڭ ايتۋىنشا، قۇرىلعىدا 3×2,5 مەتر كولەمىندە ۇلكەن جىرىق پايدا بولعان.
«زاقىم وتە ۇلكەن. شابۋىل سالدارىنان پايدا بولعان ويىق ءۇش مەترگە ەكى جارىم مەتر»، — دەدى مينيستر.
وقيعادان كەيىن قازاقستان بيلىگى مۇناي ەكسپورتىنىڭ ءبىر بولىگىن كقك جۇيەسىنەن باسقا باعىتتارعا – ساماراعا، باكۋ–تبيليسي–دجەيحان قۇبىرىنا (بتد) جانە قىتايعا قايتا باعىتتاۋ جونىندە كەلىسىم جاساعان.
ەسكە سالايىق، 29 قاراشاعا قاراعان ءتۇنى ۋكرايندىق تەڭىز دروندارى نوۆوروسسيسكىدەگى كقك تەڭىز تەرمينالىنا شابۋىل جاساپ، قۇبىردى زاقىمداعان. شابۋىلدان سوڭ نوۆوروسسيسك پورتىنداعى بارلىق جۇكتەۋ وپەراتسيالارى ۋاقىتشا توقتاتىلىپ، تانكەرلەر اكۆاتوريادان شىعارىلدى. پەرسونال مەن مەردىگەرلەر اراسىندا زارداپ شەككەندەر جوق.
بۇعان دەيىن كرەمل كقك نىساندارىنا جاسالعان شابۋىلدى «ورەسكەل جاعداي» دەپ اتاعان ەدى.
