رەسەيدىڭ قازاقستانداعى ەلشىسى الەكسەي بوروداۆكين "روسسيا سەگودنيا" اگەنتتىگىنە رەسەي مەن قازاقستان اراسىنداعى جاعدايدى ايقىندايتىن سۇحبات بەردى. بۇل تۋرالى "ستۋديا 7" تەلەگرام ارناسى جازدى، دەپ حابارلايدى “ادىرنا” ۇلتتىق پورتالى.
سۇحباتىندا ول پۋتين مەن توقاەۆتىڭ ءوزارا قارىم-قاتىناسى، قازاقستانداعى ۇلتشىلدىق تەندەنتسيالارى جانە ۇجىمدىق باتىستىڭ قازاقستانعا "حاوس" تۋدىرۋعا تىرىسىپ جاتقانى تۋرالى ايتقان.
“ءاربىر قازاقستاندىق ەكى اياقتا نىق تۇرۋى ءتيىس: ءبىرى مەملەكەتتىك ءتىل – قازاق ءتىلى، ەكىنشىسى، قازاقستان كونستيتۋتسياسىندا كورسەتىلگەندەي رەسمي ءتىل –ورىس ءتىلى. بۇل ەكى اياقتىڭ ەكەۋى دە بىردەي بولعان جاعدايدا عانا العا قادام باسا الاتىنىن ەسكەرۋ كەرەك. قازاقستان ءۇشىن رەسەي – ەڭ جاقىن وداقتاس، ينتەگراتسيالىق ارىپتەس، ۇلى دەرجاۆا»، – دەپ رەسەي ەلشىسى الەكسەي بوروداۆكين.
