9 مامىردا شىعىس قازاقستان وبلىسىنداعى ارتەمەۆ شاحتاسى اۋماعىندا قايعىلى وقيعا ورىن الدى. KAZ Minerals كومپانياسىنىڭ قىزمەتكەرى قازا تاپتى، دەپ حابارلايدى “ادىرنا”.
«2026 جىلعى 9 مامىردا «ۆوستوكتسۆەتمەت» جشس-ءنىڭ ارتەمەۆ شاحتاسىندا جازاتايىم وقيعا بولدى. الدىن الا مالىمەت بويىنشا، جوندەۋ جۇمىستارىن جۇرگىزۋ كەزىندە شاڭ-سورۋ جانە جەلدەتۋ قىزمەتىنىڭ مەحانيگى شامامەن 9 مەتر بيىكتىكتەن قۇلاپ، ومىرىمەن سىيىسپايتىن جاراقات العان»، – دەپ مالىمدەدى كومپانيانىڭ ءباسپاسوز قىزمەتى.
وقيعانىڭ سەبەپتەرى مەن ءمان-جايىن انىقتاۋ ءۇشىن ارنايى كوميسسيا قۇرىلعانى اتاپ ءوتىلدى.
«قازىر تەرگەۋ جۇرگىزىلۋدە. كومپانيا قازا تاپقان قىزمەتكەردىڭ تۋعان-تۋىستارى مەن جاقىندارىنا كوڭىل ايتادى. ونىڭ وتباسىنا بارلىق قاجەتتى كومەك كورسەتىلەدى»، – دەپ حابارلاندى.
ۇقساس جاڭالىقتار
