Qazaqstanda 2025 jyldyŋ qaŋtar-qyrküiek ailarynyŋ qorytyndysy boiynşa atauly ortaşa ailyq jalaqy 433,3 myŋ teŋgenı qūrady. Atauly mände körsetkış 10,6%-ǧa artqanymen, naqty mände 0,4%-ǧa tömendegen. Būl turaly Euraziialyq ekonomikalyq komissiianyŋ ekspress-esebınde körsetılgen, dep habarlaidy «Adyrna» tılşısı.
Esepte Qazaqstandaǧy ortaşa jalaqynyŋ 833 dollar ekenı de atap ötılgen. Būl — EAEO elderı arasyndaǧy 5 memlekettıŋ ışınde üşınşı körsetkış.
Jalaqy mölşerı Reseide – 1 137$, Belaruste – 851$, Armeniiada – 759 jäne Qyrǧyzstanda 490 dollardy qūrap otyr.
Qyrǧyzstandaǧy jalaqy deŋgeiı salystyrmaly türde tömen bolǧanymen, el naqty ortaşa jalaqynyŋ eŋ joǧary ösımın körsetıp otyr. Ol ötken jyldyŋ säikes kezeŋımen salystyrǧanda 10,9%-ǧa joǧary. Al Qazaqstan EAEO boiynşa jalaqynyŋ naqty ösımı bolmai, kerısınşe tömendegen (-0,4) jalǧyz memleket boldy.
