5 جەلتوقسان كۇنى اقتاۋدا ماڭعىستاۋ وبلىسىنىڭ اكىمى نۇرداۋلەت قيلىباي تۇرعىندارمەن ەسەپتىك كەزدەسۋ وتكىزدى، دەپ حابارلايدى "ادىرنا" ۇلتتىق پورتالى.
كەزدەسۋ 14:00-دەن 19:00-گە دەيىن جالعاسىپ، قالا دامۋىنا قاتىستى ماسەلەلەر تالقىلانعان.
ەسەپتىك كەزدەسۋدەن كەيىن اكىم ازاماتتاردى جەكە قابىلداۋعا كىرىسىپ، تاڭعى 07:15-كە دەيىن – 12 ساعاتتان استام ۋاقىت بويى توقتاۋسىز قابىلداۋدى جۇرگىزدى. بۇل ءوڭىر تاريحىنداعى ەڭ ۇزاق جەكە قابىلداۋلاردىڭ ءبىرى بولىپ سانالادى.
تۇنگى قابىلداۋ بارىسىندا اقتاۋدىڭ 200-دەن استام تۇرعىنى تۇرعىن ۇيمەن قامتاماسىز ەتۋ، جەر تەلىمدەرىن ءبولۋ، ۇلەستىك قۇرىلىس، جۇمىسپەن قامتۋ، الەۋمەتتىك قولداۋ، مەديتسينالىق جانە ءبىلىم بەرۋ ينفراقۇرىلىمى، كاسىپكەرلىك، كوممۋنالدىق تاريفتەر سياقتى وزەكتى ماسەلەلەردى كوتەردى.
نۇرداۋلەت قيلىباي مۇنداي قابىلداۋدىڭ جەكە وتىنىشتەردى شەشۋگە عانا ەمەس، كەشەندى جۇيەلى ماسەلەلەردى انىقتاۋعا دا مۇمكىندىك بەرەتىنىن اتاپ ءوتتى. اكىمنىڭ پىكىرىنشە، مەملەكەتتىك ورگانداردىڭ اشىقتىعى، جاريالىلىعى جانە حالىقپەن تۇراقتى كەرى بايلانىس – ءوڭىردىڭ ورنىقتى دامۋى مەن تۇرعىنداردىڭ ءومىر ساپاسىن ارتتىرۋدىڭ باستى شارتى.
