پاۆلودار وبلىسىندا الكوگولدىك ىشىمدىك ىشكەنى ءۇشىن قاماۋعا الىنعان قالا اكىمى باۋىرجان بوزتاەۆ قايتا اكىم بولىپ سايلاندى، دەپ حابارلايدى "ادىرنا" ۇلتتىق پورتالى.
«ەكىباستۇز قالاسىنىڭ اكادەميك الكەي مارعۇلان اتىنداعى اۋىل اكىمىن سايلاۋ قورىتىندىلارى تۋرالى ۋچاسكەلىك سايلاۋ كوميسسياسىنىڭ حاتتاماسىنىڭ نەگىزىندە سايلاۋ قورىتىندىلارى بەلگىلەندى. بارلىعى ءۇش كانديدات ءوزىن-ءوزى ۇسىنۋ ارقىلى باسەكەگە ءتۇستى. ناتيجەسىندە 1976 جىلى تۋعان، ءوزىن-ءوزى ۇسىنعان، اكادەميك الكەي مارعۇلان اتىنداعى اۋىلدا تۇراتىن بوزتاەۆ باۋىرجان كەنجەتايۇلى، اكادەميك الكەي مارعۇلان اتىنداعى اۋىلدىڭ اكىمى بولىپ سايلاندى»، - دەدى ەكىباستۇز ق. قالالىق سايلاۋ كوميسسياسى.
ەسكە سالا كەتەيىك، ەكىباستۇز قالاسىنىڭ الكەي مارعۇلان اتىنداعى كەنتىنىڭ اكىمى باۋىرجان بوزتاەۆتىڭ جۇمىستا ماس كۇيىندە بولعانى تۋرالى اقپارات اگەنتتىك توراعاسىنىڭ سەنىم تەلەفونىنا اۋىل تۇرعىنى اتىنان كەلىپ تۇسكەن بولاتىن. قازاقستان رەسپۋبليكاسىنىڭ مەملەكەتتىك قىزمەت ىستەرى جونىندەگى (ققب) ادەپ جونىندەگى كەڭەس مۇشەلەرى 2023 جىلعى ناۋرىزدا بىراۋىزدان ەكىباستۇز قالاسىنىڭ اكىمىنە بوزتاەۆتى قىزمەتىنەن بوساتۋدى ۇسىنۋ تۋرالى شەشىم قابىلدادى.
"ادىرنا" ۇلتتىق پورتالى
