5 jeltoqsan künı Aqtauda Maŋǧystau oblysynyŋ äkımı Nūrdäulet Qilybai tūrǧyndarmen eseptık kezdesu ötkızdı, dep habarlaidy "Adyrna" ūlttyq portaly.
Kezdesu 14:00-den 19:00-ge deiın jalǧasyp, qala damuyna qatysty mäseleler talqylanǧan.
Eseptık kezdesuden keiın äkım azamattardy jeke qabyldauǧa kırısıp, taŋǧy 07:15-ke deiın – 12 saǧattan astam uaqyt boiy toqtausyz qabyldaudy jürgızdı. Būl öŋır tarihyndaǧy eŋ ūzaq jeke qabyldaulardyŋ bırı bolyp sanalady.
Tüngı qabyldau barysynda Aqtaudyŋ 200-den astam tūrǧyny tūrǧyn üimen qamtamasyz etu, jer telımderın bölu, ülestık qūrylys, jūmyspen qamtu, äleumettık qoldau, medisinalyq jäne bılım beru infraqūrylymy, käsıpkerlık, kommunaldyq tarifter siiaqty özektı mäselelerdı köterdı.
Nūrdäulet Qilybai mūndai qabyldaudyŋ jeke ötınışterdı şeşuge ǧana emes, keşendı jüielı mäselelerdı anyqtauǧa da mümkındık beretının atap öttı. Äkımnıŋ pıkırınşe, memlekettık organdardyŋ aşyqtyǧy, jariialylyǧy jäne halyqpen tūraqty kerı bailanys – öŋırdıŋ ornyqty damuy men tūrǧyndardyŋ ömır sapasyn arttyrudyŋ basty şarty.
